უნარის ქულები (ინგლ. Ability score), რომელსაც ზოგჯერ სტატიც ეწოდება (ინგლ. Stat), არის რიცხვი, რომელიც აჩვენებს იმას, თუ რამდენად დახელოვნებულია არსება განსაზღვრულ უნარში. რაც უფრო მაღალია ეს მაჩვენებელი, მით უკეთ ეხერხება არსებას ცალკეული უნარი. თითქმის ყველა გაგორება უნარის ქულებზეა დამოკიდებული. არსებობს ექვსი უნარი: ძალა, სიმარჯვე, გამძლეობა, ინტელექტი, სიბრძნე და ქარიზმა.
უნარების ქულები[]
ძალა (Strength)[]
ძალა ფიზიკურ მომზადებას ასახავს. ის, თუ რამდენის ზიდვა შეუძლია პერსონაჟს, მისი ძალით განისაზღვრება. მრავალი იარაღი სწორედ ძალას იყენებს დარტყმის სიძლიერის განსასაზღვრად. ძალა გამოიყენება ათლეტურობის? უნარ-ჩვევაში.
სიმარჯვე (Dexterity)[]
იქ, სადაც მოხერხებულობაა საჭირო, სიმარჯვე გამოიყენება. ეს მოიცავს უნარ-ჩვევებს: მალვა?, ხელის სიმარდე?, აკრობატიკა?. სიმარჯვე გამოიყენება აგრეთვე დახვეწილი და სასროლი იარაღებისთვის. და, რაც ძალიან მნიშვნელოვანია, სიმარჯვე მონაწილეობს აბჯრის კლასის? განსაზღვრაში, რის გამოც ის ნებისმიერი პერსონაჟისთვისაა რელევანტური.
გამძლეობა (Constitution)[]
პერსონაჟის ამტანობა მისი გამძლეობით იზომება. მართალია, გამძლეობა არცერთ უნარ-ჩვევაში არ გამოიყენებაში, მაგრამ ის პერსონაჟის სიცოცხლის ქულებს ემატება, რის გამოც საკმაოდ მნიშვნელოვანია.
ინტელექტი (Intelligence)[]
ინტელექტი ხშირად ერევათ სიბრძნეში, მაგრამ ის გულისხმობს პერსონაჟის დედუქციის, ლოგიკური მსჯელობის, დამახსოვრებისა და სწავლის უნარს. მრავალ არსებას, რომლის ინტელექტიც 2 ან უფრო დაბალია, არ შეუძლია მეტყველება და შეუვალია ისეთი შელოცვებისთვის, რომლებიც ინტელექტს ემყარება, მაგალითად, ფიქრების წაკითხვა?. ინტელექტი გამოიყენება არკანის?, ისტორიის?, გამოძიების?, ბუნების? და რელიგიის? უნარ-ჩვევებში.
სიბრძნე (Wisdom)[]
გარემოს აწონ-დაწონვის, სხვების განზრახვების გაგებისა და სიფრთხილის უნარს სიბრძნე განსაზღვრავს. მოთამაშეებში ეს უნარი შელოცვებისგან თავდაცვის ყველაზე ხშირ საშუალებად მიიჩნევა, მიუხედავად იმისა, რომ ყველაზე ხშირი სიმარჯვეა, რომელიც სიბრძნესთან შედარებით 11-ით უფრო მეტი შემთხვევისგან თავდასაცავად გამოიყენება. სიბრძნე გამოიყენება შემდეგ უნარ-ჩვევებში: ცხოველის მოთვინიერება?, ჩაწვდომა?, მედიცინა?, აღქმა? და გადარჩენა?.
ქარიზმა (Charisma)[]
პერსონაჟის პიროვნულობის ძალა, ქარიზმა, სოციალურ უნარ-ჩვევებს მოიცავს. მოტყუება?, დაშინება?, პერფორმანსი? და დარწმუნება? ქარიზმას იყენებს. ისეთი ხელსაწყოები?, როგორიცაა, მაგალითად, გარდასახვის კომპლექტი, ასევე ქარიზმაზეა დაფუძნებული. ეს უნარი ტრიალებს იმის გარშემო, თუ როგორ წარუდგენს პერსონაჟი საკუთარ თავს სამყაროს.
უნარების ქულების განსაზღვრა[]
მოთამაშეს პერსონაჟის შექმნისას სჭირდება ექვსი რიცხვის გენერირება, რათა ისინი უნარების საწყისი ქულებისთვის გამოიყენოს. ამის გაკეთების სამი მთავარი მეთოდი არსებობს: გაგორება, ქულებით ყიდვა და სტანდარტული გადანაწილების გამოყენება.
გაგორება[]
უნარების საწყისი ქულების განსაზღვრის ყველაზე ხშირი გზა კამათლის გაგორებაა. ამის გასაკეთებლად გააგორეთ d6 ოთხჯერ. მიღებული რიცხვებიდან არ გაითვალისწინოთ ყველაზე დაბალმაჩვენებლიანი კამათელი, დანარჩენი სამი კი შეკრიბეთ. ამგვარად მიიღებთ რიცხვებს 3-დან 18-ის ჩათვლით. გაიმეორეთ ეს პროცესი მანამ, სანამ არ გექნებათ 6 რიცხვი თქვენი უნარებისთვის, შემდეგ კი ეს რიცხვები სურვილისამებრ გადაანაწილეთ ამ უნარებზე.
მოთამაშეებში ეს პროცესი ხშირად ასე განიმარტება: „გააგორე 4d6, ყველაზე დაბალმაჩვენებლიანი გაგორება კი გამორიცხე“.
თუკი მიღებული ქულები არ დაგაკმაყოფილებთ, შეგიძლიათ, თქვენს DM-ს (Dungeon Master-ს) სთხოვოთ, რომ კიდევ ერთი შანსი მოგცეთ. მრავალი DM მოთამაშეებს სტატების მისაღებად ორჯერ გაგორების საშუალებას აძლევს, შემდეგ კი მოთამაშემ უნდა აირჩიოს, გაგორებით მიღებული ჯამური რიცხვებიდან რომელ ნაკრებს აირჩევს.
ერთეულებით ყიდვა[]
სტატების განსაზღვრის კიდევ ერთი მეთოდი ერთეულებით ყიდვაა. ამ მეთოდისთვის ყველა უნარის საწყის ქულად 8 არის დაწესებული. შემდეგ მოთამაშეებს შეუძლიათ ერთეულების დახარჯვა და ქულების გაზრდა. დასახარჯი ერთეულების რაოდენობა ფიქსირებული არ არის, თუმცა ყველაზე ხშირად ზღვარი 27-ია. ამ მეთოდით ნებისმიერი უნარის საწყისი ქულა 15-ზე მაღალი ვერ იქნება (არ იგულისხმება სხვა გზებით, მაგალითად, რასით, მიღებული ბონუსები).
ქვემოთ მოცემულ ცხრილზე ნაჩვენებია, თუ რამდენი ერთეულია საჭირო ქულის განსაზღვრულ რიცხვამდე ასაყვანად.
| ქულა | ღირებულება |
|---|---|
| 8 | 0 |
| 9 | 1 |
| 10 | 2 |
| 11 | 3 |
| 12 | 4 |
| 13 | 5 |
| 14 | 7 |
| 15 | 9 |
სტანდარტული გადანაწილება[]
ბოლო მეთოდი სტანდარტული გადანაწილებაა. ამ მეთოდით მოთამაშეებს ეძლევათ ექვსი რიცხვი. ისინი ამ რიცხვებს საკუთარი სურვილის მიხედვით უსადაგებენ უნარებს.
სტანდარტული გადანაწილების რიცხვებია: 15, 14, 13, 12, 10 და 8.
ქულების გაზრდა[]
რასის ბონუსი[]
ყოველი რასა რაღაც ასპექტშია გამორჩეული. ეს აისახება უნარის ქულის ზრდით, რომელიც საწყისი ქულების განსაზღვრის შემდეგ ემატება პერსონაჟს. ეს ბონუსი მხოლოდ ერთჯერადია და მისი შეცვლა არ შეიძლება. გამონაკლისია რეინკარნაციის? შელოცვა.
რასების უმეტესობა ჯამში +3 ქულას იძენს, აქედან +2 ერთ უნარს მიესადაგება, +1 კი — სხვას. დამატებითი +1, როგორც წესი, ქვერასებშია განაწილებული, ისინი კი რასის შიგნით არსებულ განსხვავებულ ჯგუფებს წარმოადგენენ. პერსონაჟი მხოლოდ ერთი რასა და ერთი ქვერასა შეიძლება იყოს, თუკი სხვაგვარად არ არის მითითებული.
უნარის ქულის გაზრდა[]
პერსონაჟებს დონის ზრდასთან ერთად არჩეული კლასი მათ უნარების ქულების გაზრდის შესაძლებლობას მისცემს იმის საილუსტრაციოდ, რომ თავგადასავლების განმავლობაში პერსონაჟი უფრო გაძლიერდა. „უნარის ქულების ზრდა“ (ინგლ. Ability Score Increase) შემოკლებით ასე ჩაიწერება: ASI. ამ დროს პერსონაჟს შეუძლია არჩევანის მიხედვით გაიზარდოს ორი სტატი 1 ქულით, ან გაიზარდოს ერთი სტატი 2 ქულით. თუკი DM ნებას დაგრთავთ, შეგიძლიათ თქვენს პერსონაჟს უნარის ქულის ზრდის ნაცვლად ხელობა აურჩიოთ.
უნარების ქულების ზრდას ყველა კლასი იღებს 4, 8, 12, 16 და 19 დონეებზე. მებრძოლებისთვის ASI ხელმისაწვდომია როგორც ამ დონეებზე, ასევე მე-6 და მე-14 დონეებზეც. მსგავსად ამისა, ავაზაკებიც ამ დონეებზე იზრდიან უნარების ქულებს, თუმცა კიდევ ერთხელ ეძლევათ ამის შესაძლებლობა მე-10 დონეზე.
უნარის ქულის მოდიფიკატორი[]
უნარის თითოეულ ქულას თან ახლავს მოდიფიკატორი, რომელიც დამოკიდებულია უნარის ქულის სიდიდეზე. ეს მოდიფიკატორი მიესადაგება იმ გაგორებებს, რომელთა დროსაც მოცემული უნარი გამოიყენება, მაგალითად, შეტევას (იარაღითაც და შელოცვითაც), თავდაცვით გაგორებასა და უნარ-ჩვევის შემოწმებას. ზოგჯერ შელოცვის უნარის მოდიფიკატორიც გამოიყენება. ეს იგივე უნარის ქულის მოდიფიკატორია, თუმცა უკავშირდება მხოლოდ იმ უნარს, რომელიც პერსონაჟის შელოცვებისთვისაა განსაზღვრული. ამ ტერმინის საჭიროება განაპირობა იმ ფაქტმა, რომ სხვადასხვა კლასი სხვადასხვა უნარს იყენებს შელოცვებისთვის.
ქვემოთ მოცემულ ცხრილში ნაჩვენებია უნარის ქულები და მათი შესაბამისი მოდიფიკატორი.
| ქულა | მოდიფიკატორი |
|---|---|
| 1 | -5 |
| 2-3 | -4 |
| 4-5 | -3 |
| 6-7 | -2 |
| 8-9 | -1 |
| 10-11 | 0 |
| 12-13 | +1 |
| 14-15 | +2 |
| 16-17 | +3 |
| 18-19 | +4 |
| 20-21 | +5 |
| 22-23 | +6 |
| 24-25 | +7 |
| 26-27 | +8 |
| 28-29 | +9 |
| 30+ | +10 |